Астана қаласының «Басқару Колледжі» ЖШС

  Өткізілген ашық тәрбие сабағы бойынша

АҚПАРАТ

 

            Колледждің «Химия» пәнінің оқытушысы Жабинова Анар Дильмуханбетқызы бірінші курс ПР42-13 топ студенттерінің ұйымдастыруымен мәжіліс залында 2016 жылғы желтоқсанның 13 жұлдызында ашық тәрбие сабағын өткізді. «Тәуелсіздік - тұғырым» атты бұл шараға колледждің 60 студенті, топ кураторлары, ата-аналар мен қонақ ретінде өзінің әсем әндерімен «Сарыарқа» тобының мүшесі Айдаров Байрильда шақырылды.

            Ашық сабақтың мақсаты: студенттерді  Отаншылдыққа, ұлтжандылыққа, туған жеріне сүйіспеншіліктерін арттыруға дұрыс бағыт - бағдар беру, өз елінің тарихын сыйлауға үйрету,  патриоттық рухта тәрбиелеу. Өз елін, жерін қорғайтын ұрпақ тәрбиелеу. Тәуелсіздік бастауы - ызғарлы Желтоқсан оқиғасы екенін жете түсіну. Желтоқсан құрбандарын мәңгі есте сақтау.

            Тәрбиелік мәні жоғары болған шара барысында ызғарлы желтоқсан оқиғаларынан бейне фильм көрсетіліп, сахналық қойылым мен қара өлеңдер оқылды. Сонымен қатар, бейбіт өмір сүру, оны қастерлеу барысында жастар қандай үлес қоса алады тақырыбы көтеріліп, әсем әндер сахнада шырқалды. 

            Аталған сабаққа 60 студент қатысты.

4.jpg  3.jpg 4.jpg                      5.jpg


Колледждің «Өзін өзі тану» пәнінің оқытушысы Кабулова Күлшат Серікқызы бірінші курс ПД-12-16 топ студенттерінің қатысуымен мәжіліс залында 2016 жылғы желтоқсанның 14 жұлдызында ашық сабақ өткізді. «Іңкәр көңіл, нәзік сезім» атты бұл сабаққа колледждің бірінші курс студенттері шақырылды.

            Ашық сабақтың мақсаты: Махаббаттың жалпыадамзаттық құндылық ретіндегі мәнін ашу, адамның ең жоғары нәзік  қастерлі сезімі ретінде махаббаттың тұлғалық мәнін ұғындыру;  ұнату, алғашқы махаббат сезімдерін ажырата алу дағдыларын дамыту;  сүйіспеншілік,  сезім  мәдениетіне тәрбиелеу болды.

            Сабақ барысында В.Шекспирдің дәйексөзінің  мағынасы  ашылды «Жеке өмірде терең сезім адамға зор қуат береді. Өзін терең, қуатты сезімдерге баули алмағандар бүгін біреуге, ертең біреуге үстірт, кездейсоқ, сүйіспеншілік білдіруге кұштарланып тұрады» деген сөздері оқылып, әр адамның өзін терең сезімдерге баулудың маңыздылығы, ондай болмаған жағдайларда неге апарып соқтыратыны жайлы тұжырымдаланды.

            Аталған сабаққа 60 студент қатысты.

6.jpg 7.jpg 8.jpg

11.jpg 10.jpg